إهرب !

إهرب !

(1)
-الحياة في مصر صعبة ,من ناحية المعيشة و الناس و الظروف الأقتصادية
- قرار الهجرة من مصر سواء بشكل دائم أو أستثنائي قرار مش سهل لأن المصريين بطبعهم ليس شعب مهاجر زي الأخوة اللبنانين مثلا.
- نصيحتي قبل ما تقرر حاجة زي ده تبقي عارف أنت خارج ليه
هل لتوفير حياة لنفسك لأسرتك ,هل هي فرصة للتعليم أو جمع الفلوس و العودة و هكذا.
- لو كان قرار السفر نهائي و لدولة هجرة بهدف حياة جديدة يبقي نصيحتي أنك تركز في أختيار المكان
- في الدول الغربية أنصح بالآتي:
*دولة في تجمع مسلم عربي قوي
دولة هجرة
دولة فيها فرص و حريات عامة

-الهجرة من الناحية الشرعية أمر شائك و لكن أستطيع أن أقول أن مصر بلد بيها مسلمين يحكمها طاغوت بقانون يخالف ما أمرنا الله به
- أختياري لسيدني كمكان للهجرة ليه مرتبط بقوة الجالية المسلمة هنا
. في محيط ١٥ كيلو في فوق ٢٠ جامع
. في محيط ٢٠ كيلو في ١٥ مدرسة إسلامية ( مدارس بمناهج أسترالية يتم تدريس العربي و القرآن و العلوم الإسلامية فيها يوميا ,المدرسين خليط عربي و غربي )
. الأكل الحلال متوفر بشدة ( مفيش نوع أكل معين الا و فيه منه حلال )
. النهارده كان في يوم مفتوح في مساجد أستراليا للتعريف بالإسلام ,المتحدثة فيه كانت أخت أسترالية منتقبة ( النقاب في سيدني موجود مش حاجة جديدة )
. في رمضان مدرسة بنتي بتقلل ساعات الدراسة و العيدين أجازة و وقت أعياد غير المسلمين تحرص المدرسة علي توفير البديل
لو لي نصيحة في أختيار المكان أقول أستراليا ( و خصوصا سيدني ) هي المكان الأفضل

(2)
- هناك كذا طريق للهجرة و صحة كل طريق و ملائمته مرتبط بظروف الفرد الشخصية
- الهجرة ممكن تتم من داخل أستراليا أو من خارجها بمعني ,ممكن تقدم علي الهجرة (الأقامة الدائمة ) و أنت جوه أستراليا علي فيزا تسمح بده ( فيزا دراسة أو عمل ) او تقدم عليها من خارج أستراليا
- التقديم في الحالتين متساوي في الفرص و الخطوات و النتيجة بس من الداخل ممكن يكون اسهل نوعا ما لأنك ببساطة ممكن تلاقي فرص وظيفة تساعد في التقديم
- عشان تدخل أستراليا علي فيزا تسمح لك بالعمل ,أعتقد فيزا طالب هي أفضل حل والطالب قد يكون طالب ماجستير او دكتوراه ( و ده أسهل نوعا ما )
-عشان تلاقي مكان مناسب للدراسة ,دور علي نوع دراستك في جامعات أستراليا المختلفة و اسعارها المختلفة و راسل الكلية و اتفق معاهم علي الفلوس ,أو تأخد الطريق الأسهل و تجيب وكيل دراسة تدفع ليه و تطلب منه تخصص معين و هو يدور و يرد عليك بالأسعار و الورق و خلاف ذلك

-التقديم للهجرة نفسها في بوستات قادمة أن شاء الله

(3)

- نظام الهجرة لأستراليا هو نظام هجرة لأصحاب حرف معينة مطلوبة
- النظام بالنقط ,يعني لو شغلتك مطلوبة و أستوفيت الشروط في الغالب هتنجح في الحصول علي الموافقة
- مفيش مقابلة شخصية و ده غالبا عشان يلغوا العامل البشري في تحديد مين يهاجر و لا لأ
- الفكرة أن في وظائف معينة فيها نقص و هما عايزين ناس تشتغل ,الوظائف كتيره و موجودين علي اللنك ده:

http://www.immi.gov.au/Work/Pages/skilled-occupations-lists/sol.aspx

- مع كل وظيفة مكتوب الهيئة اللي تقوم بتقيم خبراتك و شهادتك
- السن الصغير ليه نقط أكتر ( أقل من ٣٤ سنة )
- كل ما زادت سنين الخبرة زادت النقط ( فيما عادا الطب )
- الفكرة بسيطة بتتكلم أنجليزي ,وظيفتك محتاجينها يبقي أتفضل
- تقييم اللغة حاليا عن طريق أمتحان IELTS general والأمتحان ٤ أجزاء
- الحد الأدنى المطلوب 6 في كل جزء ولو عايز تاخد نقط زيادة على الانجليزى يبقى 7 في كل جزء (مش في المجموع بس)
- امتحان الايلتس بتحجزه مع ال british council و لو مجبتش الدرجات من اول مره عادى هتبقى عرفت انت عايز تتحسن في ايه وتشتغل عليه
- بعد ما تخلص تقييم الشهادة و اللغة نبتدي نتحرك للتقديم

(4)
- أخوة كتير بعتوا يسألوا ,بعد ما لقوا وظائفهم في اللسته ديه يعملوا أيه
http://www.immi.gov.au/Work/Pages/skilled-occupations-lists/sol.aspx

- الخطوات ببساطة هو الأتصال بالجهة اللي مذكور أسمها جنب كل وظيفة للحصول علي تقييم الشهادة و الخبرة
- مثلا وظائف IT
بتروح علي موقع ACS
https://www.acs.org.au/

علي اليمين في لنك:  migration skills assessment
وتمشي مع الخطوات الموجوده من دفع فلوس و أوراق و خلافه


أو هناك حل أسهل أنك تشوف مكتب هجرة معتمد يقولك تبعت لمين و فين و أزاي بس طبعا ليه سعره

- بعد أنتهاء تقييم الشهادة و الخبرة و الحصول علي أمتحان اللغة تيجي لمرحلة قرار نوع الفيزا
-التقديم بيكون أنك تقدم علي ( expression of interest ) بالعربي أظهار أستعدادك للهجرة و هما بيختاروا الناس علي حسب النقط الأعلي
كل ما كانت نقطك أعلي كل ما كانت فرصك أعلي
و النقط الأعلي تعني سنوات خبرة كتير ,رقم مرتفع في اللغة سن أقل من ٣٣ سنة
- في نوعين لفيز الهجرة ,فيزا ١٨٩ و فيزا ١٩٠

* ١٨٩ تعني انك مقدم للهجرة بدون أي مساعده من اى جهه من استراليا
الميزه في الفيزا دى أنها بتخليك تعيش وتشتغل في أي مكان في استراليا, بس ليها عيوب كتير, واحد أنها عايزه نقط عاليه علشان يختاروك تعمل طلب هجره, لازم يكون عندك 70 نقطه علشان تضمن انهم يختاروك رغم ان الرسمي انك ممكن تقدم من 60 نقطه (هأشرح النقط بتتحسب ازاى بعدين), كمان هي الأولويه ليها أقل وبتاخد وقت أطول في المعامله.

*١٩٠ أنت بتاخد ترشيح من ولايه أنها عايزاك تقعد فيها وبناء عليه بتديك 5 نقط وأول مايبقى عندك 60 نقطه بيبعتلوا ليك أنك تقدم طلب هجره, كمان بيبقالك أولويه وورقك بيخلص بسرعه, بس أنت ملزم تقعد وتعيش في الولايه دى لمدة سنتين (الألتزام معنوي مش قانونيي) أعرف شخصيا ناس سابوا الولايات و راحوا ولايات تانيه و محصلهمش مشاكل

حساب النقط بيتم لكل نوع من الفيزا علي الرابط ده

http://www.immi.gov.au/Visas/Pages/190.aspx

http://www.immi.gov.au/Visas/Pages/189.aspx

(5)

- بعد أختيار نوع الفيزا و التقديم لا يبقي الا الصبر و الدعاء

- اللي بيحصل أن ورقك بينتظر دوره في دورة التخليص داخل دايرة الهجرة

- بيتعمل فحوصات شخصية و أمنية عليه

- ممكن يطلب منك الموظف المنوط بيه ورقك ورق زيادة

- غالبا لو متزوج هيطلبوا من زوجتك أمتحان أنجليزي ( الهدف بس هو التأكيد أن زوجتك بتتكلم أنجليزي ) المطلوب IELTS general

مطلوب ٤ درجات و نص فقط

- لو زوجتك مش عايزه تعمل الأمتحان لأي سبب ممكن تأخد اعفاء في حالتين

الأولي لو الموظف أقنع أن زوجتك بتتكلم أنجليزي كويس ( دراستها بالأنجليزي مثلا أو عاشت فترة في بلد لغتها الأنجليزي )

التانية أنك تدفع تمن كورس اللغة ( مش متأكد من القم ) و لكنه كورس مفيد جدا

- بعدها هيطلب منك الموظف تعمل الكشف الطبي

علي أيامي كان الكشف الطبي في المستشفي الأنجلوأمريكان اللي جنب نادي الجزيرة

- التكلفة ( لو أخترت تعمل الموضوع لوحدك هيكون أرخص من التعامل مع مكتب هجرة )

التكلفة للمتقدم الأساسي = $٣٥٢٠

الزوجة ( علي أفتراض ان الزوج هو المتقدم الأساسي و العكس صحيح ) = $١٧٦٠

الأطفال أقل من ١٨ سنة = $٨٨٠

الأسعار كلها بالدولار الأسترالي

- طبعا في تكاليف أخري زي الطبي و توثيق الورق في السفارة و خلاف ذلك

-قد يكون من الأسهل التعامل مع محام هجرة لكنه أمر مكلف

لو قررت التعامل معاهم أتاكد انهم قانونين

أتأكد من الموقع ده

https://www.mara.gov.au/

المصدر:  زياد بسيوني